अवघ्या 9 मिनिटात ‘या’ स्मार्टफोनच्या तब्बल 50 हजार युनिटची विक्री

अवघ्या 9 मिनिटात ऑनर 9 लाईट स्मार्टफोनच्या तब्बल 50,000 युनिटची विक्री झाली आहे. हुवाईचा असा दावा आहे की, प्रत्येक सेकंदाला 150 युनिटची विक्री करण्यात आली.





मुंबई : हुवाईचा सब-ब्रॅण्ड ऑनरने आपला नवा स्मार्टफोन ऑनर 9 लाइट मागील आठवड्यात भारतात लाँच केला होता. त्यानंतर आता या बजेट स्मार्टफोनने एक मोठा विक्रम केला आहे.

अवघ्या 9 मिनिटात ऑनर 9 लाईट स्मार्टफोनच्या तब्बल 50,000 युनिटची विक्री झाली आहे. हुवाईचा असा दावा आहे की, प्रत्येक सेकंदाला 150 युनिटची विक्री करण्यात आली. हुवाईचा असाही दावा आहे की, ऑनर 9 लाइट हा फ्लिपकार्टवरील बेस्ट सेलिंग स्मार्टफोन आहे.

या स्मार्टफोनच्या 3 जीबी रॅम आणि 32 जीबी मेमरी मॉडेलची किंमत 10,999 रुपये आहे. तर 4 जीबी रॅम आणि 64 जीबी व्हेरिएंटची किंमत 14,999 रुपये आहे.

ऑनर 9 लाइट स्मार्टफोनचे खास फीचर :

ऑनर 9 लाइटमध्ये 5.6 इंच स्क्रीन देण्यात आली असून याचे रेझ्युलेशन 2160×1080 पिक्सल आहे. या स्मार्टफोनमध्ये 659 प्रोसेसर देण्यात आलं असून 3 जीबी आणि 4 जीबी मेमरी देण्यात आली आहे.

या स्मार्टफोनमध्ये तब्बल 4 कॅमेरा देण्यात आले आहेत. यामध्ये रिअर आणि फ्रंट ड्यूल कॅमेरा सेटअप देण्यात आला आहे. रिअर आणि फ्रंट कॅमेरामध्ये प्रायमरी लेन्स 13 मेगापिक्सल आणि सेकेंडरी कॅमेरा लेन्स 2 मेगापिक्सल आहे.

ऑनर 9 लाइटमध्ये 3000 mAh बॅटरी देण्यात आली आहे. तसेच हा स्मार्टफोन अँड्रॉईड ओरिओ ऑपरेटिंग सिस्टमवर आधारित आहे. तसेच यामध्ये बॅक पॅनलवर फिंगर प्रिंट सेंसर देण्यात आलं आहे.





Leave a Comment